Fréttir frá Bjarkarási
16. júní 2010
Heilsuvika
Vikuna 31. maí til 4. júní var haldin heilsuvika í Bjarkarási og Lækjarási. Heilsuvikan er orðinn fastur liður í starfsemi staðanna og dagskráin orðin nokkuð fastmótuð. Föstu liðirnir eru göngutúrar tvisvar sinnum á dag og matseðillinn er á hollum nótum. Að þessu sinni byrjuðum við á að fá kennslu í að útbúa heilsudrykk sem allir geta gert heima og allir fengu að smakka.
12. apríl 2010
Gróðurhúsið Bjarkarási
Gúrkurnar eru komnar til sölu í gróðurhúsi Bjarkaráss. Eitthvað er til af kryddjurtum í pottum, s.s. basil, koriander, dill og timian. Einnig eru til í pottum mini tómatar, mini paprika og mini eggaldin plöntur. Það er ótrúlega spennandi að rækta í glugganum heima. Þessar plöntur eru til í takmörkuðu magni, fyrstir koma, fyrstir fá.
Verð á plöntum er:
- Tómatar, paprika og eggaldin 650 kr.
- Basil 450 kr.
- Dill 400 kr.
- Timian 450 kr.
- Koriander 450 kr.
Til að sjá auglýsinguna í prenthæfu formi ýtið hér.
17. desember 2009
Smiðjubúðin í Bjarkarási
29. nóvember 2009
Jólamarkaðurinn í Bjarkarási
Laugardaginn 28. nóvember var hinn árlegi jólamarkaður í Bjarkarási. Þegar opnað var kl. 13 hafði þegar safnast nokkur mannfjöldi utan við dyrnar og má segja að stöðugur straumur fólks hafi verið fram eftir degi. Að venju hafði fólk úr mörgu að velja og gerðu flestir góð kaup til jólanna. Frá Smiðjunni í Bjarkarási var mikið úrval muna úr gleri, tré, leir og fleiru. Ýmsar nýjungar mátti sjá í framleiðslunni eins og kerti af ýmsum stærðum og gerðum ásamt glerdiskum, sérhönnuðum fyrir aðventuna. Ás vinnustofa var með tuskur og handklæði til sölu ásamt nýju barnasloppunum vinsælu. Þá voru starfsmannafélög Bjarkaráss, Lækjaráss og Áss vinnustofu sölubása með ýmiskonar varningi.
sjá myndir hér að neðan
Þreyttir viðskiptavinir gátu svo hvílt sig og gætt sér á smákökum og heitu súkkulaði að innkaupum loknum.
Það er mikils virði að finna hve mikinn áhuga fólk hefur á skapandi starfi og framleiðslu staðanna og kunnum við þeim sem litu inn þennan dag bestu þakkir fyrir
7. apríl 2009
Starfsdagar í Bjarkarási
22. - 26. apríl 2009
Leiðbeinendur í Bjarkarási ætla að bregða sér af landi brott á starfsdögum í apríl. Ferðinni er heitið til Boston, USA og hefur hópurinn safnað fyrir ferðinni síðustu tvö ár með ýmsu móti eins og mörg ykkar kannast við. Haldnir voru kökubasarar og bingó, seldar sultur og ostabakkar svo eitthvað sé nefnt. Einnig fengust rausnarlegir styrkir frá Bakkavör og Hlutverki til fararinnar. Samgöngur til Bandaríkjanna eru með þeim hætti að loka þarf Bjarkarási á hádegi miðvikudaginn 22. apríl en starfsemin hefst aftur mánudaginn 27. apríl.
3. nóvember 2008
Gönguhópur í Bjarkarási
Í dag tók til starfa gönguhópur í Bjarkarási. Þetta er liður í heilsueflingu okkar hér í Bjarkarási og er ætlunin að fara í u.þ.b. 1/2 klukkustunda gönguferðir á hverjum degi.
Góð þátttaka var í morgun, sem er vonandi ávísun á það sem koma skal.
9. apríl 2008
List án landamæra
Listahátíðin List án landamæra verður opnuð formlega þann 18. apríl næstkomandi. Opnunarhátíðin fer fram í Ráðhúsi Rekjavík kl. 17:00 þann dag.
Að þessu sinni eru tveir listamenn úr Bjarkarási sem taka þátt í Samsýningu í Ráðhúsinu.
19. júní 2007
Grillpartý í Bjarkarási
Föstudaginn 15. júní var grillveisla í Bjarkarási. Eins og undanfarin ár komu Greifarnir og léku fyrir dansi efir matinn.
19. júní 2007
Námsferð starfsfólks Bjarkaráss til Frankfurt
Starfsfólk Bjarkaráss fór í námsferð til Frankfurt dagana 17.-20. maí síðastliðinn
23. apríl 2007
List án landamæra
Listahátíðin List án landamæra verður sett þann 26. apríl og tökum við þátt í henni eins og undanfarin ár.
Leit
Stjórnborð
