Dagur fyrir mig

Dagur fyrir mig, raunverulegt val!

Endurhönnun dagþjónustu

Ás styrktarfélag vinnur að því að gera grunnbreytingu á núverandi fyrirkomulagi í dagþjónustu. Í samræmi við heildarstefnu Áss styrktarfélags er miðað að því að öll dagþjónustutilboð séu vinna og hafi gildi sem slík. Tilboð séu mismunandi eftir starfsstöðvum og fólki gert fært að velja ólík tilboð eftir því sem hægt er. Ætlunin er að auka fjölbreytni og forðast stöðnun innan vinnustaða með þessari nálgun. Settur var af stað tilraunahópur með þátttöku 16 einstaklinga og valið var á milli 7 tilboða.

Ávinningurinn af þessum breytingum er m.a:

• Fjölbreytt og einstaklingsmiðuð tækifæri til verkefna/vinnu.
  
  
• Opið starfsumhverfi sem felur í sér flæði milli staða
  
  
• Stuðlað að meiri fjölbreytileika og dregið úr fábreytni
  
  
• Raunverulegt val um að gera eitt í dag og annað eftir umsaminn tíma
  
  
• Fólk njóti þeirra mannréttinda, að geta valið hvar það vill vinna og í hvernig verkefnum
  
  
• Að tryggja sérhæft starfsfólk í opnu starfsumhverfi
  
  
• Að skapa góða yfirsýn yfir þau verkefni/vinnu sem í boði eru með aðgengilegum upplýsingum
  
  
• Að virðing sé borin fyrir ólíkum þörfum, áhugamálum og vali á mismunandi lífsskeiðum einstaklingsins
  
  
• Öll aldursskeið saman í vinnu eins og tíðkast á almennum vinnumarkaði
  
  
• Vera ekki alltaf í félagsskap sama fólksins heima og að heiman - alla daga og til margra ára, án þess að raunverulegt val hafi ráðið því.
  
  
• Aukin tækifæri til þátttöku á almennum vinnumarkaði

Í tilraunahópnum eru fjórir einstaklingar frá hverjum dagþjónustustað, 16 einstaklinga. Þessi hópur kallast Ísbrjótar. Verkefnið byrjaði 5. mars og því lýkur 27. apríl . Hver einstaklingur valdi á milli 7 tilboða en tvö af þeim voru vinsælust.

Í vali var:

Verkefnavinna - Ás vinnustofa
Verk að vinna , endurvinnsla - Lyngás
Smiðja - Bjarkarás
Virknihópur, Tákn með tali - Lækjarás
Endurvinnsla kerta - Fossvogskirkjugarður
Umræðuhópur -Skrifstofa Áss styrktarfélags
Líkamsrækt / maraþon- Lækjarás

Tilgangurinn með þessum tilraunahópi er að finna hnökra og prófa áður en allir verða með. Rýnihópur starfar samhliða ísbrjótum og í honum eru tveir frá ísbrjótahópnum, einn aðstandandi , starfsmaður frá Velferðasviði Reykjavíkurborgar og starfsmaður frá félaginu..

Stefnt er að því að allir geti fengið tækifæri til að vera með í þessu að hausti 2012. Upplýsingaveita um tilboð verður á heimasíðu Áss styrktarfélgags. Tilboðin verða mis umfangsmikil og er ákveðinn fjöldi/rými í hverju verkefni/vinnu. Gert er ráðfyrir því að hver hafi sína heimastöð. Eftir úrvinnslu vals er gerður verksamningur til allt að níu mánaða.