Starfsemi Lækjaráss
Starfsemin
Lækjarás er dagþjónusta fyrir 20 ára og eldri og hefur verið starfrækt í Stjörnugróf frá 1981.
Starfsemin á Lækjarási er einstaklingsmiðuð og lögð er áhersla á fjölbreytta þjónustu.
Starfsemin spannar vítt svið og má þar nefna, þroskaþjálfun, pökkunarvinnu, verkefnavinnu, klúbbastarfsemi og líkamsþjálfun. Mikil áhersla er á óhefðbundin tjáskipti og er unnið markvisst með tákn með tali, Boardmaker, Pictogram og stafrænar myndir.
Á Lækjarási eru 5 stofur sem bjóða uppá mismunandi tilboð :
Dekrið - Þar er boðið uppá fótabað, handsnyrtingu, nudd, heita bakstra og ýmislegt fleira.
Vinnukot - Þar er unnið við að pakka mjólkursýnisflöskum fyrir Sigurplast
Ræktin - Þar eru rafmagnshjól, standbekkir og rofar í boði
Gallerí - Þar er unnið að ýmsu sem tengist skapandi starfi, s.s unnið með þæfða ull, málað, saumað á saumavél og margt fleira.
Setrið - Þar er boðið uppá leikræna tjáningu, minningavinnu, létta morgunleikfimi og margt fleira
Á Lækjarási eru lögð áhersla á eftirfarandi gildi:
Gagnkvæm virðing - Að koma fram við aðra eins og þú vilt að það sé komið fram við þig.
Sveigjanleiki - Einstaklingsmiðuð þjónusta krefst sveigjanleika svo hægt sé að mæta síbreytilegum þörfum
Nýbreytni - Framsækinn staður sem fylgist með nýbreytni, staður sem lærir
Leit
Stjórnborð
