Fréttir frá Lyngási

   

GLEÐILEGT NÝTT ÁR OG ÞÖKKUM LIÐIÐ

   

Fanney Edda og jólasveinarnir               Guðfinnur og Sigurbjörn

   

Jólaskemmtun var haldin 18. des og komu margir góðir gestir eins og Stúfur og Stekkjastaur, Harpa Arnardóttir og hljómsveit. 

      

Afrakstur bökunar og málun á piparkökur.

      

8. des var kátt á hjalla... Jólasveininn kíkti í heimsókn og voru teknar nokkrar myndir við það tækifæri.

Ríflega 730 þúsund krónur söfnuðust í uppboði sem haldið var í Góða hirðinum, nytjamarkaði Sorpu og líknarfélaga, síðastliðinn föstudag. Féð rennur til Lyngáss og opnar sannarlega marga möguleika til þess að auðga líf þeirra einstaklinga sem nýta sér þjónustu Lyngáss. Styrkurinn verður meðal annars nýttur í útgáfu á samskiptabókum og til ýmissa verkefna sem tengjast listum.

Þökkum við hlutaðeigendum kærlega fyrir stuðninginn.

Laugardaginn 5. desember verður jólamarkaður frá kl 12 - 17 í Félagsgarði í Kjós. Á boðstólum verður ýmiskonar handverk og matvælaframleiðendur hér í kjósinni verða með margskonar góðgæti til sölu. Hægt er að byrja daginn á því að ná sér í alíslenkst jólatré á skógræktarsvæðinu við Fossá og fá sér svo kakó og vöfflu hjá kvenfélaginu í félagsgarði auk þess að skoða það sem þar er í boði.

Pakki með 8 jólakortum og umslögum kostar 1000 krónur

Þeir sem sjá sér ekki fært að mæta á jólamarkaðinn en vilja engu að síður leggja þessu góða málefni lið geta pantað kort í gegnum tölvupóst og þá bætist við sendingarkostnaður.

Vonumst til að sjá sem flesta á jólamarkaðnum.

Gyða S. Björnsdóttir

Netfang; gyda@sogumidlun.is

 

 Þann 9. október 2009 urðu breytingar í Lækjarási en þá flutti Húsið starfsemi sína í Lækjarás í rýmið þar sem sjúkraþjálfunin var áður. Búið er að taka rýmið í gegn, mála og gera fínt. Ákveðið var að Húsið fengi nýtt nafn og heitir núna Setrið. Til að sjá Lækjaráspóstinn í heild ýtið hér  

 

Á mánudaginn næstakomandi 16. nóvember ætlum við að sameinast inni á E stofu og hlusta á þjóðsögur í tilefni dags íslenskrar tungu. Hittumst kl 13:45 þeir sem vilja koma og hlusta 

Til að sjá auglýsingu ýta hér

Í ágúst hafði fulltrúi Kvenfélags Hringsins samband og tilkynnti að Barnaspítalasjóður vildi gefa Lyngási MODOMED æfingahjól, flatskjá og DVD tæki. Kunnum við Hringskonum bestu þakkir fyrir.

Elberg að æfa sig.....

            

Á góðum degi í ágústmánuði - gull og glimmer :)

Unga fólkið á Lyngási hefur verið störfum hlaðið í sumar og leyst mismunandi verkefni sem þau hafa skipt með sér og sinnt af samviskusemi. Björn Friðrik tók að sér það vandasama verk að hjálpa til við bókhald í sjoppu sem rekin er á Lyngási.

                        

 

 

 

Stelpurnar á B-stofu brugðu á leik í snjónum á dögunum...

      

Öskudagur rann upp og þá komu í ljós allskyns kynjaverur, drottningar og prinsessur.....