Jafnlaunavottun

Meginmarkmið jafnlaunavottunar er að vinna gegn kynbundnum launamun og stuðla að jafnrétti kynja á vinnumarkaði. Jafnlaunavottun var lögfest í júní 2017. Frá þeim tíma bera fyrirtæki og stofnanir ábyrgð á því að setja upp kerfi sem tryggir að ákvarðanir um laun byggi á málefnalegum sjónarmiðum og feli ekki í sér mismunun. Launaákvarðanir eru byggðar á lögum um jafna stöðu og jafnan rétt kynjanna nr. 150/2020, gildandi kjarasamningum og öðrum þeim lögum og reglum sem tryggja að fyllsta jafnréttis sé gætt

 

Í upphafi árs 2019 hófst innleiðing formlegs jafnlaunakerfis hjá félaginu. Í apríl var launagreining gerð og niðurstaða hennar var sú að kynbundinn launamunur mældist ekki meðal starfsmanna félagsins. Í lok árs fór fram úttekt frá viðurkenndri vottunarstofu (iCert ehf) sem staðfesti að félagið hafi innleitt, skjalfest og gert áætlanir um stöðugt viðhald á jafnlaunakerfi sínu.

 

Í lok árs 2020 fór fram viðhaldsúttekt á kerfinu. Niðurstaða hennar var sú að það uppfyllir kröfur staðalsins og gildandi verklagsreglur kerfisins. Úttektarstjóri mælti með óbreyttri stöðu vottunar.

 

Í lok árs 2021 fór fram síðari viðhaldsúttekt á kerfinu. Aftur var niðurstaða úttektarinnar  sú að jafnlaunakerfið uppfyllir kröfur staðalsins og gildandi verklagsreglur kerfisins. Úttektarstjóri mælti með óbreyttri stöðu vottunar.

 

Ás styrktarfélag starfrækir jafnlaunakerfi samkvæmt þeim kröfum sem settar eru fram í staðlinum ÍST 85:2012. Vottunin gildir til loka árs 2022.

 

 

Hér getur þú lesið Jafnlaunastefnu félagsins.

 

Hér getur þú lesið Jafnréttisáætlun félagsins. 

 

 

Þessi vefur notar vefkökur (e. cookies).

Sjá nánar í persónuverndarstefnu.