Gleðilega hátíð
Ás styrktarfélag óskar öllum gleðilegra jóla og farsældar á nýju ári.
Þökkum samstarfið, hlýhuginn og stuðninginn á árinu sem er að líða.
Gæði – Sveigjanleiki - Frumkvæði
Annað uppboð
Föstudaginn 11. desember hélt Góði hirðirinn annað uppboð til styrktar Bjarkarási. Tónlistarmaðurinn KK stýrði þessu uppboði eins og því sem haldið var í nóvember. Að þessu sinni söfnuðust 301.200 kr. Heildarupphæðin sem Góði hirðirinn hefur safnað með þessu móti og gefið Bjarkarási, er því 687.200,- krónur. Formleg afhending fór fram í Góða hirðinum föstudaginn 17. desember þar sem einnig voru afhentir veglegir styrkir til ýmissa góðgerðarmála.
Bjarkarásfólk mun nýta styrkinn til kaupa á standlyftu og ýmsum tölvutengdum búnaði eins og snertiskjá og rofum.
Nánari upplýsingar um styrkveitingar Góða hirðisins má sjá á heimasíðu þeirra hér.Jólastemmning á Lyngási
Tónlist og upplestur ríkjandi í jólastemmnningu á Lyngási
Fréttabréf Lækjaráss
Fréttabréf Lækjaráss fyrir desember mánuð er komið út. Þar ber ýmissa grasa, m.a. er viðtal, jólasaga og ýmsar tilkynningar. Fréttabréfið er hægt að nálgast hér í prentvænni útgáfu.
Annað uppboð í Góða hirðinum
Föstudaginn 10. 12. Kl. 16:30 verður uppboð hjá Góða hirðinum í Fellsmúla 28. Verslunarstjórnin hefur ákveðið að endurtaka leikinn frá því síðast og gefa Bjarkarási allt sem kemur í kassann á uppboðinu. Í nóvember seldist fyrir 386.000,- kr. og dugar sá peningur fyrir standlyftaranum sem Bjarkarás hefur bráðvantað svo lengi.
Nú verður söluhagnaði varið til kaupa á ýmsum tölvubúnaði og jafnvel myndavél, fer allt eftir því hversu mikið kemur inn. Bjarkarás hvetur alla til að mæta því þetta eru stórskemmtilegar uppákomur sem tónlistarmaðurinn KK stjórnar af stakri snilld. Skoðið vef Sorpu, þar sem hægt er að sjá hvaða munir verða á uppboðinu.
Gjöf frá Kiwanisklúbbnum Heklu
Við kunnum þeim góðar þakkir fyrir og hér má sjá mynd frá afhendingunni.
Menningavika í Lækjarási
Vikuna 15.-19. nóvember var haldin menningarvika í Lækjarási í annað skipti. Skiptust stofurnar á að koma með menningarlega viðburði. Kenndi þar ýmissa grasa og fengum við kynningu á kaffimenningu, jeppamenningu, íslensku jólasveinunum, tröllum og ýmsir lásu upp ljóð. Var þetta mjög fjölbreytt og skemmtileg vika.
Með því að smella á myndina fáið sjáið þið myndir á prentvænu formi.
Tónlist fyrir Alla
Tónlist fyrir alla í Safamýrarskóla
Jólamarkaður í Bjarkarási
Laugardaginn 27. nóvember verður jólamarkaður í Bjarkarási, Stjörnugróf 9, kl. 13 – 16. Þar verða til sölu ýmsir listmunir sem meðal annars eru unnir úr gleri, tré, ull og leir. Einnig verða seld kerti úr nýrri kertagerð Bjarkaráss. Vinnustofan Ás verður með klúta, handklæði og sitthvað fleira.
Léttar veitingar á vægu verði.
Allir velkomnir.
Til að sjá prentvæna auglýsingu vinsamlegast smellið hér.
Gamlir munir til góðra mála
Ýtið hér á hnappinn að neðan til að sjá myndir.
Uppboð með KK í Góða hirðinum
Ánægjudagur á Lyngási
Í dag komu góðir gestir á Lyngás......
Word og Excel námskeið
Undanfarið hefur starfsfólk Áss styrktarfélags verið á tölvunámskeiði í Word og Excel. Námskeiðin voru haldin á skrifstofu félagsins og voru þátttakendur sammála um að hafa bæði gagn og gaman af.
Fjölmiðlahópur Lækjaráss
Hluti af Fjölmiðlahóp Lækjaráss kom í gær og afhenti skrifstofu félagsins eintak af Lækjaráspóstinum. Hér að neðan má sjá mynd af Maríu afhenda Jónínu eintak og með því að smella á meira er einnig hægt að sjá Sverri, Bjarna, Maríu, Jónínu og Þóru. Þökkum kærlega fyrir afhendinguna.
Lækjaráspósturinn
Pósturinn fyrir október mánuð er kominn út frá Lækjarási, þar sem sagt er frá ýmsu, m.a.:
- Þann 22. október síðastliðin voru 29 ár liðin frá stofnun Lækjaráss.
- Unnið er nú að krafti að setja upp heitan pott í Lækjarási.
- Bíódagar verða haldnir í Lækjarási einu sinni í mánuði.
Lækjaráspósturinn er kominn út og hægt að nálgast hann hér í prentvænu formi.
Fræðslufundur - FFA
FFA – fræðsla fyrir fatlaða og aðstandendur stendur að kynningu á þeirri breytingu á þjónustu við fatlað fólk sem verður um næstu áramót þegar sveitarfélög taka við þeim þjónustuþáttum sem svæðisskrifstofur málefna fatlaðra hafa haft með höndum.
Tilgangurinn með kynningunum er að fólk geti leitað svara við spurningum eins og:
- Hvað er það sem breytist og hvað ekki?
- Hvernig er undirbúningi breytinganna háttað?
- Hvert á ég að leita eftir þjónustu eftir áramót ? o.fl
Fyrri fundurinn verður 8. nóvember kl. 20:00 að Háaleitisbraut 13 og er ætlaður íbúum Reykjavíkur og Seltjarnarness.
Seinni fundurinn verður 9. nóvember kl. 20:00 að Háaleitisbraut 13, og er ætlaður íbúum Kópavogs, Hafnarfjarðar, Garðabæjar og Mosfellsbæjar.
5 ára starfsafmæli
Hrund, Viktoryia, Anna Herdís, Elísa og Alma fagna á þessu ári 5 ára starfsafmæli og var þeim afhend rós og hjarta í því tilefni.
Opið hús 22. október 2010
Ás vinnustofa, Brautarholti 6 verður með opið hús þann 22. október næstkomandi.
Þar gefst tækifæri til að kynna sér starfsemi Áss vinnustofu og skoða þær vörur sem þar eru framleiddar.
Klukkan 14:00 verða afhentar viðurkenningar fyrir 20 ára starf.
Opnunartími: 13:00 (1:00) — 15:30 (3:30)
Kaffi og kleinur
Kær kveðja og hlökkum til að sjá ykkur
Starfsfólk Áss vinnustofu
Með því að smella á myndina er hægt að prenta út auglýsinguna.
Setrið eins árs.
Þann 8.október var eitt ár liðið frá því að starfsemi Hússins flutti í Lækjarás. Í leiðinni var skipt um nafn og varð Setrið fyrir valinu. Af því tilefni buðu Nína og María uppá óvænta veislu og hélt María ræðu þar sem meðal annars kom fram þakklæti til allra í Lækjarási fyrir að taka svona vel á móti þeim úr Húsinu. 
Sumar 2010 í Lækjarási
