Allir hjóla

Fréttamynd - Allir Hjola 3

Starfsmenn hjá Ási styrktarfélagi fengu nýlega hjól að láni frá félagasamtökunum Allir hjóla.  

 

Allir Hjóla er byggt á hugmyndafræði Wheels for Wellbeing í Bretlandi en tilgangur félagsins er að skapa jafnréttisvettvang þar sem allir geta hjólað. 

 

Boðið er upp á nokkrar gerðir af hjólum sem henta mismunandi þörfum einstaklinga - þríhjól - hjólastólahjól - farþegahjól - tveggja manna hjól og fleiri.  Hreyfiskerðing og skert jafnvægi er ekki fyrirstaða fyrir því að fólk geti hjólað á hjóli frá Allir hjóla.

 

Ás vinnustofa fékk að prófa tvær gerðir af hjólum í sumar. Um er að ræða tvö rafmagnshjól, annað þriggja manna þar sem tveir farþegar geta setið í að framan og hitt einstaklingsþríhjól. Í Stjörnugróf fékk Lyngás að láni hjól sem verður notað til þess að taka börnin í hjólaferðir.

 

Með fréttinni má sjá myndir af starfsmönnum í Ási vinnustofu og Stjörnugróf á ferðinni

 

Þessi vefur notar vefkökur (e. cookies).

Sjá nánar í persónuverndarstefnu.