Félagið vill þakka stuðning Lionsklúbbsins Freys en á liðnum árum hefur stuðningur þeirra verið ómetanlegur. Nú á sumarmánuðum gáfu þeir 4 uppþvottavélar, 1 þvottavél og 1 ryksugu. Allt kom þetta sér vel að notum á sambýlunum fjórum í Víðihlíð. Af tilefni afhendingar var að að sjálfsögðu boðið upp á kaffi og meðlæti.

Um þessar mundir fer fram mat á stuðningsþörf allra einstaklinga á landinu sem eru í búsetuþjónustu fyrir fatlaða. Stuðningsþörfin er metin með bandarísku mati, Supports Intensity Scale (Mat á stuðningsþörf eða SIS mat), sem jafnframt er verið að staðla fyrir íslenskar aðstæður.

Í Reykjavík nær matið til yfir 400 einstaklinga sem njóta búsetuþjónustu hjá þremur rekstraraðilum, SSR, Ási styrktarfélagi og Reykjavíkurborg. Skráningu í SIS er lokið hjá Ási styrktarfélagi

 

Auðskilinn texti – kennslurit  um gerð auðskilins texta er aðgengilegt  hefti um, hvernig best er að setja upp texta á auðskiljanlegan hátt. Ýmsar tilgátur hafa verið í gangi um hvaða aðferðir skili bestum árangri og eru skilaboðin um aðferðirnar  stundum misvísandi.  

 

Í þessu hefti  er  gerð grein fyrir aðferð sem hefur verið margreynd með rannsóknum  frá stofnunum og félagasamtökum í Bretlandi , Noregi og víðar.

 

Efni þessa heftis  gagnast öllum vel sem eru að útbúa kennslu- og annað fræðsluefni ætlað fólki með þroskahömlun á öllum aldri og þeim sem eiga í erfiðleikum með að lesa og skilja flókinn texta.Sigurður Sigurðsson þroskaþjálfi tók efnið saman fyrir Ás styrktarfélag.Heftið er samtals 37 blaðsíður og kostar kr. 1800

 

Pantanir sendist til:  aslaug@styrktarfelag.is

---

 

Með því að smella á myndina er hægt að fá prentvæna útgáfu

 

  Elberg og Binni

 Hafið það gott um verslunarmannahelgina!

Tómas, Halli Bjössi, Klara, Kristbjörg,

Ragna Sif og Sigrún í Árbæjarsafninu

 

Gústa og Dja

 

 

Erum mætt aftur til starfa syngjandi kát!

Kveðja frá öllum á Lyngási

opnum aftur 19. júlí :)

 

   

      Halli Bjössi og Adam                  Siggi Örn, Bjössi og Elberg

Strákarnir á D-stofu fóru í Húsdýragarðinn í góða veðrinu

Helena afmælisbarn að skoða blóm en hún varð 5 ára þennan dag

   

Fyrsta uppskera á Lyngási lítur dagsins ljós...

 

Vikuna 31. maí til 4. júní var haldin heilsuvika í Bjarkarási og Lækjarási. Heilsuvikan er orðinn fastur liður í starfsemi staðanna og dagskráin orðin nokkuð fastmótuð. Föstu liðirnir eru göngutúrar tvisvar sinnum á dag og matseðillinn er á hollum nótum. Að þessu sinni byrjuðum við á að fá kennslu í að útbúa heilsudrykk sem allir geta gert heima og allir fengu að smakka.

Skrifstofan: 19. júlí til 6. ágúst

Lækjarás: 5. júlí til 23. júlí

Bjarkarás: 28. júní til 23. júlí

Lyngás: 12. til 16. júlí

Ás vinnustofa: 19. júlí til 14. ágúst

---

Þar segir m.a. frá því að í apríl kom Laufey Gissurardóttir í Lækjarás og hélt námskeið í helstu grunnatriðum skyndihjálpar. Námskeiðið var mjög gagnlegt ogskemmtilegt og þátttakendur lærðu hvernig á að bregðast við og bjarga fólki í neyð. Hægt er að sjá póstinn í heild sinni í pdf formi hér.

Mat á stuðningsþörf (SIS) er þróað af bandarísku samtökunum AAIDD til að meta stuðningsþörf fólks með þroskahömlun og skyldar raskanir.  Matið hefur verið í notkun frá 2003 en tilgangur þess er að skilgreina þann viðbótarstuðning sem fullorðið fatlað fólk þarf á að halda til búsetu, vinnu og samfélagsþátttöku. Upplýsingaöflun fer fram í viðtali sérstakra matsmanna við hinn fatlaða sjálfan eða einhvern sem þekkir viðkomandi vel. Spurt er um atriði sem snúa að færni á 6 sviðum daglegs lífs: heimilishaldi, að fara ferða sinna, sí- og endurmenntun, vinnu, heilsu og öryggi, og félagslegri þátttöku. Niðurstöður matsins sýna stöðu viðkomandi sem hlutfall af stuðningsþörf samanburðarhóps fatlaðs fólks. Frekari upplýsingar um matið má sjá á heimasíðu þess: www.siswebsite.org

Áshildarsjóður var stofnaður af foreldrum Áshildar Harðardóttur en hún var til fjölda ára í þjónustu hjá Styrktarfélaginu, m.a. í búsetu á sambýli og dagvíst í Lækjarási. Upprunalega var sjóðurinn aðalega ætlaður til að bæta lífsgæði og aðstæður Áshildar. En þar sem megintilgangi sjóðsins lauk við fráfall Áshildar þann 22. júní 2008 hefur hann verið lagður niður og eigum hans ráðstafað til Áss styrktarfélags í samræmi við skipulagsskrá sjóðsins. Eignum sjóðsins kr. 15.740.970,- verður varið til kaupa og uppsetningar sundpotts (cross trainer) í Lækjarási og byggingar yfir hann.

Ás styrktarfélag þakkar stjórn sjóðsins, þeim Snæbirni Ásgeirssyni, Magnúsi Kristinssyni og Hafliða Hjartarssyni ánægjuleg samskipti á liðnum árum.

Lagið Ljós í myrkri er komið út en það er flutt af Páli Óskari og hljómsveitinni Föxunum. Lagið var upphaflega samið til styrktar langveikri stúlku sem hét Fanney Edda Frímannsdóttir og fjölskyldu hennar, en hún lést skömmu eftir að lagið var tilbúið til flutnings. Fanney Edda var haldin óskilgreindum taugahrörnunarsjúkdómi. Lagið er eftir Gunnar Guðmundsson og textinn er eftir Vigni Örn Guðnason en þeir eru vinnufélagar foreldra Fanneyjar Eddu ásamt því að vera í hljómsveitinni Faxarnir sem er eingöngu skipuð flugmönnum hjá Flugfélagi Íslands. Textinn fjallar um raunir foreldris sem er á leið á spítalann að hitta veikt barnið sitt sama hvað veðrið segir. Foreldrið gerir sér grein fyrir alvarleikanum en fyllir barnið engu að síður bjartsýni og barnið veitir foreldrinu von. Veikindunum í textanum er líkt við íslenska veðrið og árstíðirnar með öllum sínum duttlungum. Inntakið í laginu er að það er ljós í myrkri og táknar ljósið annað hvort lækningu eða upprisu.

Eins og áður hefur komið fram gerði Lækjarás listaverk sem var við opnun á List án landamæra. Auðunn Gestsson samdi ljóð í því tilefni og allir þjónustunotendur komu að undirbúningi og gerð listaverksins með einhverjum hætti. 

Með því að smella hér sjáið þið myndir frá undirbúningnum.

Saga um tré

Lítið tré stendur við jörðu

Regnið bleytir grasið

Tréð vex og vex

Verður stórt eins og Lækjarás

Fuglarnir syngja söngva

Höfundur: Auðunn Gestsson

Til að sjá ljóðið með texta og táknum smellið hér.

 

---

Könnunin Stofnun ársins er samvinnuverkefni SFR og VR. Þátttakendur voru spurðir út´i vinnutegnda þætti eins og trúverðugleika stjórnenda, sjálfstæði í starfi, vinnuálag, vinnuskilyrði, álag og kröfur, sveigjanleika í starfi og fleira. Könnunin er mikilvægt framlag til vinnumarkaðsrannsókna á Íslandi, enda sú stærsta sinnar tegundar.

    

Opnunarhátíð List án Landamæra var á fimmtudaginn 29. apríl sl. þar sem Gjóla og Meistararnir framkvæmdu Gjörninginn "Fjaðrafok í logni".

        

Lækjarás tekur þátt í List án landamæra með samstarfsverkefni sem nefnist "Saga um tré" og byggir á ljóði eftir Auðunn Gestsson og segir frá vöxti trjáa sem plantað var á lóð Lækjaráss fljótlega eftir stofnun þess. Flestir þjónustunotendur Lækjaráss komu að gerð þessa verks sem er unnið á eikarparket og myndin mótuð úr mosaík glerflísum.  Verkið er til sýnis í Ráðhúsi Reykjavíkur frá 29. apríl til 9. maí.

 

Lækjarás þakkar Agli árnasyni hf. veittan stuðning við gerð verksins.

 

Á myndinni er Auðunn Gestsson höfundur ljóðsins ásamt listaverkinu.

 

Hægt er nálgast dagskrána hér á pdf formi.

 

Opnun List án landamæra verður í Ráðhúsi Reykjavíkur í dag klukkan 17.

 

---

Sameiginlegur fræðslufundur verður haldinn í Bjarkarási Stjörnugróf 7 þriðjudaginn 27. apríl klukkan 16:30 - 19:00

Fundarefni verður:

1. Starfsstellingar.
2. Notkun, tilgangur og umgengi á hjálpartækjum.

Skráning fer fram á hverjum vinnustað fyrir sig fyrir 22. apríl

Sjá nánari auglýsingu hér

---

Í tilefni af sumarkomu býður Ás vinnustofa á opið hús þann 21. apríl frá klukka 13 - 15:30.  Smellið á myndina til að geta skoðað hana í prenthæfu formi.

Gúrkurnar eru komnar til sölu í gróðurhúsi Bjarkaráss. Eitthvað er til af kryddjurtum í pottum, s.s. basil, koriander, dill og timian. Einnig eru til í pottum mini tómatar, mini paprika og mini eggaldin plöntur. Það er ótrúlega spennandi að rækta í glugganum heima. Þessar plöntur eru til í takmörkuðu magni, fyrstir koma, fyrstir fá.

Verð á plöntum er:

• Tómatar, paprika og eggaldin 650 kr.
• Basil 450 kr.
• Dill 400 kr.
• Timian 450 kr.
• Koriander 450 kr.

Til að sjá auglýsinguna í prenthæfu formi ýtið hér.

---

Námskeið fyrir starfsfólk Áss styrktarfélags sem starfar við búsetu og aðstoðar eldra fólk.

Aðaláhersla fræðslunnar er hækkun lífaldurs, umfjöllun um heilabilun almennt og sérstaklega tengsl milli Downs heilkenna og Alxheimer. Að skapa tækifæri fyrir fólk sem er að glíma við sömu aðstæður til að hittast, ræða starfið og tengja reynslu sína og þekkingu við nýjar upplýsingar

Haldið mánudaginn 12. og 19. apríl næstkomandi, á skrifstofu félagsins, Skipholti 50 C, 3.hæð. Sjá nánar hér.

Lækjráspósturinn fyrir mars mánuð er kominn út. Ef þið smellið á myndina hér að neðan er hægt að skoða póstinn á pdf formi.  Meðal annars er sagt frá þorrablóti sem ávalt er haldið að rammíslenskum sið. 

   

Harpa Arnardóttir leikkona var með síðasta tímann í bili föstudaginn 19. mars og fékk hún góðan gest með sér, Hilmar Örn Agnarsson organista.  Þemað var "Frelsið - Tákn um umbreytingu"

Opið hús verður fyrir fyrrverandi og núverandi starfsmenn á Lyngási frá kl 16:00 – 19:00 þann 24. apríl og höfum við hug á því að bjóða uppá veitingar og gos með því að hafa 1000 kr. í þátttökugjald. Velkomið að taka með sér önnur drykkjarföng. Sjáið nánar á döfunni.

Á síðustu vikum hafa verið þrír 3. árs þroskaþjálfanemar í vettvangsnámi á skrifstofu Áss styrktarfélags. Hluti af þeirra vinnu var m.a. að setja saman námskeið í sjálfsstyrkingu fyrir konur. Til þess nýttu nemarnir bókina Gott hjá þér! en það er kennslubók í ákveðniþjálfun fyrir fólk með þroskahömlun og er gefin út af félaginu. Námskeiðinu lauk í dag og voru þátttakendur almennt mjög ánægðir með hvernig til tókst.

Átta vikna átaksnámskeiðinu í Breytta lífstílnum lauk í dag. Alls voru 11 þátttakendur og voru þeir flestir ánægðir með árangur sinn, en árangur mælist ekki eingöngu á vigtinni heldur einnig í þeim smáu hlutum sem viðkomandi hefur náð að breyta í fæðuvali sínu, betri líkamlegri og andlegri líðan.

Annað námskeið hefst í haust og verður það nánar auglýst síðar.

---

Í sumar býður Ás styrktarfélag upp á sumardvöl á Suðurlandi.  Eins og sl. sumar  höfum við fengið aðstöðu í frábæru húsi Bergmáls sem er í landi Sólheima í Grímsnesi.  

Aðbúnaður innandyra er frábær, öll herbergi með eigin wc og sturtu.  Einnig er sameiginleg aðstaða rúmgóð og býður upp á óendanlega möguleika. 

Dagskrá sumardvalarinnar verður fjölbreytt að vanda og lögð áhersla á að njóta samveru og útivistar.  Leitast er við að virkja frumkvæði þátttakenda, kynna fyrir þeim dagskrártilboð og mæta óskum þeirra.

Nánari upplýsingar er hægt að finna hér.   

Hér að neðan eru 3 mismunandi námskeið ætluð þeim sem eru 20 ára og eldri.

Smellið á hverja mynd fyrir sig til að sjá hana í heild sinni

     

 

 

 

 

 

 

 

 

 

 

 

 

 

 

 

 

 

 

          Sjá nánar hjá Þekkingarsetrinu

 

____________________________________________________________________

Formleg afhending gjafar frá Hringskonum.

Fréttabréf frá Lækjrási er kominn út. Hann er hægt að nálgast á pdf formi hér

Öskudagurinn var haldin með hefðbundnum hætti á Lyngási, hér eru yngstu krakkarnir með aðkeyptu fótboltastelpunni og bakaranum :)

    

Leikræn tjáning á Lyngási 

Harpa Arnardóttir leikkona byrjaði sl. föstudag með námskeið sem felur í sér upplifun og skynjun í augnablikinu.                                            

2 upprifjunar námskeið í skyndihjálp verða haldinn þann 18. og 19. febrúar 2010 fyrir starfsfólk  Áss vinnustofu sem ekki geta nýtt sér almenn námskeið.  

Ath. nauðsynlegt er að hafa lokið grunnnámskeiði til að geta farið á upprifjun.Leiðbeinandi er Laufey Gissurardóttir þroskaþjálfi og leiðbeinandi í skyndihjálp.

Fyrra námskeiðið  verður haldið:18. febrúar  kl. 13-15:30 Á skrifstofu Áss styrktarfélags í Skipholti 50c

Seinna námskeiðið verður haldið: 19. febrúar. Kl. 9:00-11:30 Á skrifstofu Áss styrktarfélags í Skipholti 50c

Vinsamlegast skráið ykkur á þátttökulistann fyrir 10. febrúar

Gott hjá þér! er kennsluefni í ákveðniþjálfun sem eflir sjálfstraust og er ætlað fagfólki sem vinnur með fólki með þroskahömlun. Fræðsluefnið nýtist jafnt unglingum sem fullorðnum.

 

Gott hjá þér! heitir á frummáli ThumbsUp! og  hefur hlotið góðan orðstýr og verið margendurútgefið í Bretlandi. Efnistökin í bókinni byggjast á að þátttakendur taka þátt í fjölmörgum og skemmtilegum verkefnum, æfingum og hlutverkaleikjum, sem styrkja sjálfstraust og auka hæfileika til að verða ákveðnari og takast á við þær áskoranir sem fólk stendur oft frammi fyrir við ýmsar athafnir daglegs lífs.   

I. vinningur: VW Polo að andvirði kr. 2.600.000. kom á miða númer 7568

II.vinningur: Heimilistæki frá Smith & Norland að andvirði  kr. 240.000. hver vinningur.

      1437 - 1624 - 3070 

      5710 - 7417 - 12686

      15996 - 16935 - 17264

      19032

Félagið þakkar veittan stuðning

Lækjaráspósturinn fyrir desember er kominn út, endilega smellið á myndina til að nálgast hann.