Fréttir

11. janúar 2010

Gott hjá þér!

Gott hjá þér! er kennsluefni í ákveðniþjálfun sem eflir sjálfstraust og er ætlað fagfólki sem vinnur með fólki með þroskahömlun. Fræðsluefnið nýtist jafnt unglingum sem fullorðnum.

Gott hjá þér! heitir á frummáli ThumbsUp! og hefur hlotið góðan orðstýr og verið margendurútgefið í Bretlandi. Efnistökin í bókinni byggjast á að þátttakendur taka þátt í fjölmörgum og skemmtilegum verkefnum, æfingum og hlutverkaleikjum, sem styrkja sjálfstraust og auka hæfileika til að verða ákveðnari og takast á við þær áskoranir sem fólk stendur oft frammi fyrir við ýmsar athafnir daglegs lífs. Þættir sem meðal annars er farið yfir eru:

- Tilfinningar
- Líkamstjáning
- Framkoma
- Gagnrýna og taka gagnrýni.

Auðvelt er að kenna þetta efni þar sem nákvæmar leiðbeiningar eru um hvernig eigi að nálgast hvert verkefni fyrir sig. Verkefnin eru misþung og er mikilvægt að leiðbeinandi skoði vel hvaða verkefni hann ætlar að byrja að kenna. Í bókinni eru ýmis verkefnablöð sem hægt er að ljósrita, ásamt geisladiski með myndum af hverju verkefni sem hægt er að varpa upp á skjáinn til frekari útskýringar þegar verkefnin eru unnin.

Gott hjá þér! er til sölu hjá Ási styrktarfélagi og kostar kr. 28.000. Frekari upplýsingar um þetta efni gefur María Jónsdóttir í síma 4140500 eða s tölvupósti á netfangið: maria@styrktarfelag.is

« Til baka

Leiðarkerfi

Leit

Stjórnborð

Flýtileiðir

Hafa samband Veftré