Breyttur lífstíll

Ás styrktarfélag, í samvinnu við World Class hefur hrundið af stað námskeiði þar sem tekist er á við breyttan lífsstíl hjá einstaklingum með þroskahömlun. Offita er eitt helsta heilsufarsvandamáli í Evrópu og einstaklingar með þroskahömlun glíma við ofþyngd eins og aðrir. Það sem skilji þá frá öðrum sé hve aðgengi þeirra að fræðslu um hreyfingu og hollt matarræði sé takmarkað. Félagið vill stuðla að hugarfarsbreytingu á þessum vettvangi með velferð fatlaðra að markmiði. 

Námskeiðin sem verða í boði í vetur er árangur þróunarverkefnis Áss styrktarfélags.

Námskeið á haustönn 2011 

Námskeiðið byrjar 5. september og lýkur 9. desember.

• Tímarnir eru á mánudögum, miðvikudögum og föstudögum.
• Tímarnir byrja klukkan 14:30 og enda klukkan 15:30.
• Passa að gefa sér tíma í fataskipti því tíminn hefst klukkan 14:30.   
• Greiða 32.900 krónur í World Class áður en námskeið hefst. 
• Þjálfari frá World Class  -  Nanna Guðbergsdóttir, einkaþjálfari. 
• Þroskaþjálfi frá Ási styrktarfélagi -  Birna Markúsdóttir.
• Tengiliður við Ás styrktarfélag – Guðbjörg Haraldsdóttir forstöðumaður Lækjarási, Stjörnugróf 7 

Mánudagar : 

• Skila inn matardagbók 3 – 5 x á námskeiðinu
• Vigtun og mæling
• Fræðsla                                    
• Æfing 

Miðvikudagar: 

• Æfing   

Föstudagar:       

• Æfing                                    
• Fræðsla 

Einn tími þar sem við höfum boozt kynningu – Góð, einföld og fljótleg næring. Einnig verður næringafræðsla. Annar tími þar sem við skoðum sérstaklega hitaeiningar og skoðum raunverulegan mat.

Við mælum með millibita eftir æfingu og þá hentar boozt vel, mjög ljúffengt. Booztkort er hægt að kaupa hjá Laugar Café.

Helstu áherslur:

Hver getur aðstoðað mig?  Gott er að velja sér einhvern einn til að hjálpa þér að halda utan um námskeiðið.  Fara saman yfir fæðuhringinn og matardiskinn og velta því fyrir sér hvort þú sért að borða úr öllum hringnum og líka að raða á matardiskinn eins og myndin sýnir.  

Þeir sem hafa stuðningsmann tileinka sér betur fræðsluna á námskeiðinu.  Við hann ræðir þú hvað þú ert að læra og hann getur skýrt betur út ef þörf er á. Þú þarft að skrifa niður hvaða markmið þú ætlar að setja þér í þessar 13 vikur. Rökstyðja hvernig þú ætlar að ná því og skýra út hvað þú ætlar að gera til þess að ná markmiðinu. 

Þú sskráir niður hvernig þú getur stundað hreyfingu fyrir utan World Class.Þú skrifar hvernig þér líður líkamlega og andlega í dag og hvaða væntingar þú hafir eftir 13 vikur.  Einnig þarftu að hugsa fyrir hvern þú ert á námskeiðinu, fyrir þig eða einhvern annan? 

Þessum 2 blöðum þarftu að skila í upphafi námskeiðs, en þú færð þau aftur þannig að þú getir unnið í markmiðinu þínu.  Þegar námskeiðið er hálfnað er farið aftur farið yfir markmiðin og athugað hvort þú sért á réttri leið. 

Matardagbókin:  Í upphafi skráum við matardagbók í 2 vikur samfellt. Skráum aftur eftir 3 -4 vikur og svo aftur í lokin. Í dagbókina á að skrá á hverjum degi allt sem er borðað og drukkið.  Það á líka að skrá vatnið sem þú drekkur. Þessari dagbók skilur þú á mánudögum þegar við á.

Þjálfararnir fara yfir dagbókina og afhenda þér aftur.  Þá er gott að setjast niður með stuðningsmanninum og fara yfir, hvað gekk vel, þarftu að laga eitthvað?

Annað:  Þar sem þú átt nú kort í World Class máttu mæta fyrir utan tímana á námskeiðinu ef þú hefur áhuga á.

Endilega hafa með sér lás til að geta læst skápum, þá er hægt að kaupa í World Class eða t.d. í Brynju á Laugaveginum.                                                                            

 Guðbjörg Haraldsdóttir og Birna Markúsdóttir

Nánari upplýsingar veita:

Guðbjörg Haraldsdóttir,verkefnastjóri Breytts lífstíls :
Sími: 414-0560

netfang: gudbjorg@styrktarfelag.is