Til sölu

Í verslun og gróðurhúsi er hægt að kaupa vörur sem eru framleiddar hjá styrktarfélaginu. 

 

Í Versluninni Ásum eru seldar vörur framleiddar í Ási vinnustofu, Bjarkarási, Lækjarási og Smíkó. Vöruúrvalið er fjölbreytt og getur verið breytilegt eftir árstíðum. Verslunin selur meðal annars kerti, mósaík og keramik vörur og ýmiskonar saumavöru svo einhverjar séu nefndar. Hægt er að koma í Ögurhvarfi 6 og kaupa þessar vörur milli kl. 09.00 - 15.30 alla virka daga.

 

 

Gróðurhús Bjarkaráss, Stjörnugróf 9 er opið frá mars og fram í október ár hvert. Þar fer fram lífræn ræktun grænmetis og kryddjurta samkvæmt stöðlum frá Vottunarstofunni Túni. Fyrsta uppskera kemur í lok maí og eykst úrvalið eftir því sem líður á sumarið. Hægt er að koma í gróðurhúsið og kaupa grænmeti á virkum dögum milli kl. 09.00 - 16.00 yfir sumartímann. Við auglýsum sérstaklega þegar við höldum markað undir lok sumars. 

 

Myndir af vörum, grænmeti og matjurtum eru birtar á facebook síðu félagsins reglulega.

 

Með því að eiga viðskipti við Verslunina Ása og gróðurhúsið tryggið þið að fatlað fólk hafi fjölbreytt verkefni í sinni vinnu. 

Þessi vefur notar vefkökur (e. cookies).

Sjá nánar í persónuverndarstefnu.